വസന്തത്തിന്‍റെ ഫറവോ....

പൂമ്പാറ്റയും പൂമ്പൊടിയും ഇല്ലാത്ത
കാലങ്ങള്‍ക്കുശേഷം, ഒരിക്കല്‍...
പൂക്കള്‍ വീണ്ടും വിരിഞ്ഞു...
അവയുടെ സുഗന്ധത്തില്‍
കണ്ണടച്ച് നില്‍ക്കെ,
നിങ്ങള്‍ പറഞ്ഞു...
"വസന്തം ..വന്നു...
  ജനങ്ങളുടെ വസന്തം....."

കോള്‍മയിര്‍ കൊണ്ടു....
കണ്ണീര്‍ പൊടിച്ചു,
മുഷ്ടി ചുരുട്ടി അലറി.....
"ജയിക്കട്ടെ ജനങ്ങള്‍......
തകരട്ടെ ഏകാധിപത്യകിരാതാന്മാര്‍......".."

അധികം കഴിഞ്ഞില്ല....
ഇലകള്‍ കൊഴിഞ്ഞു...
പൂക്കള്‍ വാടി....
പറന്നെത്തിയ പൂമ്പാറ്റകള്‍
ദുര്‍ഗന്ധം കൊണ്ടുവന്നു....

അപ്പോള്‍ നിങ്ങള്‍ പറഞ്ഞു....
"വസന്തം...വന്നു വസന്തം...
 പുതിയ ഫറവോയുടെ വസന്തം..."


(സമര്‍പ്പണം : പുതിയ ഇജിപ്റ്റ് ഫറവോ മോര്‍സി ഒന്നാമന്....)

ഗാസയിലെ വെടിയൊച്ചകള്‍.... ..

നിസ്സഹായരുടെ ചോരകൊണ്ട്
തെരുവില്‍  പ്രളയക്കെടുതി...
ചോര കോരിക്കുടിച്ചു ദാഹം തീര്‍ക്കാന്‍,
കുരിശു യുദ്ധങ്ങളിലെ ചേകവന്മാര്‍.........

തെരുവിനപ്പുറവും,
തെരുവിനിപ്പുറവും,
മതങ്ങളുടെ ഗിനിപ്പന്നികള്‍,
കൊമ്പുകോര്‍ത്തു ചത്തു..

നൂറ്റാണ്ടുകളുടെ കണക്കുകള്‍,
കൂട്ടിയും കുറച്ചും,
ദൈവങ്ങള്‍ തീന്മേശക്ക് ചുറ്റുമിരുന്നു
തമാശ പറഞ്ഞു, വീഞ്ഞു കുടിച്ചു,..

ഗാസയില്‍ വെടിയോച്ചകള്‍ക്ക് മീതെയുയര്‍ന്ന
അമ്മമാരുടെ നിലവിളിയോച്ചകള്‍ കേട്ട് ,

മത്തുപിടിച്ച ദൈവങ്ങള്‍ കണ്ണടച്ചുറങ്ങി...!!!

അനുഭവങ്ങള്‍....

സ്നേഹത്തിന്‍റെ വ്യാപ്തി അളക്കാന്‍ പോയവന്‍ ,
തിരുച്ചു വന്നത്,
മൈക്രോസ്കോപ്പുമായിട്ടാണ്...!!!!

സ്വര്‍ഗം തേടി പോയവന്‍,
തിരിച്ചു വന്നത്,
നിത്യാഗ്നിയിലെറ്റ പൊള്ളലുമായാണ്...!!



നന്മ തേടി പോയവന്‍,
തിരിച്ചു വന്നത്,
തുന്നിക്കെട്ടിയ ഹൃദയവുമായാണ്.....!!!

അറിവ് തേടി പോയവന്‍ ,
തിരിച്ചു വന്നത്
സ്ലയ്റ്റും  മഷിത്തണ്ടുമായാണ്.....!!!

എന്നെ തിരക്കിപ്പോയ ഞാന്‍,
തിരിച്ചു വന്നത്,
ഞാനില്ലാതെയാണ്......!!!

മരണം...!!!

അപ്പൂപ്പന്‍ മരിച്ചു..
അച്ഛന്‍ ഫെയ്സ്ബുക്കില്‍ അപ്ഡേറ്റ് ചെയ്തു....
ചെറുമകന്‍ സ്റ്റാറ്റസ് 'ലൈക്‌' ചെയ്തു....
ചെറുമകള്‍ കമന്റി...
"റസ്റ്റ്‌ ഇന്‍ പീസ്‌, ഓള്‍ഡ്‌ ബോയ്‌......"..........!!!!"..!!!!"

അപ്പൂപ്പന്റെ ആത്മാവാകട്ടെ,
ഒരു ഫേസ്ബുക്ക് പേജിനായി,
ഗതികിട്ടാതെ ഗൂഗിളില്‍
അലഞ്ഞു നടന്നു.....!!!

പ്രവീണ്‍

Documentary : STATE OF THE ART..

Watched Anant Mahadevan's short documentary ' STATE OF THE ART" at Global Film Festival today. The film was based on the Bullfights happen in Spain...
But internally it depicted the hypocrisies and complexities of human mind...

On one side,
we love dogs, we care for them..
Same people,
in those big amphitheatre,
cheer for the blood spilling out of the bull...
Why this dual behaviour...??

The documentary also shows the irony of art and art structures which we enjoy, drawing parallels between Flamingo dance and the desperate moves of the bull.....

And we think we show our manliness and bravery by these acts...
But inside...
We are the biggest cowards...
We are showing that by those atrocities to the helpless animals....

And it is not only the bullfights in Spain..
There are many parallels one can draw between this and several inhuman customs and rituals we follow and being at the same time we act like civilised, sensitive modern man...

HYPOCRITES,...
THY NAME IS HUMANITY....

യാത്ര

യാത്ര,
ലക്ഷ്യത്തിലേക്കാവണമെന്നു
സമൂഹം...

യാത്ര,
ലക്ഷ്യമന്വേഷിക്കാനാണെന്നു
ഗുരു....

യാത്ര,
ലക്ഷ്യമില്ലാത്തതാണെന്നു ,
സ്വയം....

യാത്രയ്ക്കിടയില്‍,
ഒരിക്കല്‍,
തിരിച്ചറിവിന്‍റെ നാമ്പുകള്‍
പൊട്ടി മുളച്ചപ്പോളറിഞ്ഞു,

"യാത്ര
 മാത്രമാണ്,
 ലക്‌ഷ്യം..."

ചൂട്....

ചിരിക്കാന്‍ മറന്നുപോയ
ബാല്യത്തിന്‍റെ ചൂടേറ്റിട്ടാവാം,
ഇന്നും ,
ഈ തണുപ്പത്തും...
വിറയ്ക്കാതിരിക്കുന്നത്.....!!!!

ഓര്‍മകളോട് നന്ദിയുണ്ട്...
വെയിലത്ത്‌ വാടാതെ,
വേണ്ടുവോളമീ
കണ്ണീരിന്‍റെ ചൂട് ,
കനല് പോവാതെ കാത്തുവെച്ചതിന്....

കൂട്ടുകാരി,
നീ പേടിക്കണ്ട..
ആരും..
ഇന്നേ വരെ...
ഈ തണുപ്പത്ത്...
ചൂടേറ്റ് ചത്തിട്ടില്ല....!!!

Wind..

Why again when the wind blows,
I keep my windows closed.....

Why again when there is nothing in air,
I open my windows....

May be, I like to 
Long for wind..
Than..
Being in the wind..